Mu gitondo cyo kuri uyu wa mbere tariki ya 22 Mutarama 2024, imirwano yongeye kubura umutwe mu nzira za Kanyamahoro – Buhumba mu gace ka Nyiragongo hafi ya Goma hagati ya M23 n’abarwanyi ba Wazalendo.
Amakuru aturuka muri ako gace ko muri Repubulika Iharanira Demokarasi ya Congo, aravuga ko imirwano imeze nabi hagati y’umutwe wa M23 n’abarwanyi ba Wazalendo bashyigikira Leta ya Kinshasa.
Urusaku rw’intwaro ziremereye n’izoroshye rwumvikana hafi ya Kanyamahoro no muri Kibumba muri Parike ya Virunga nk’uko bitangazwa na bamwe mu batuye muri ako gace.
Bakomeza bavuga ko umutwe wa M23 wagabye igitero ku birindiro bya Wazalendo ndetse ngo utera ibisasu ku birindiro bimwe na bimwe by’ingabo za Congo FARDC.
