Mudasobwa ya Opta isanzwe imenyereweho kuraguza umutwe ku mikino y’umupira w’amaguru yahaye Senegal amahirwe menshi yo kuzegukana igikombe cy’Afurika kigiye kubera muri Côte d’Ivoire.
Dore uko Opta yaraguje umutwe ku ikipe ishobora kwegukana igikombe cy’Afurika 2024:
- Senegal: 12.8%
Senegal ihabwa amahirwe menshi n’iyo kipe iheruka kwegukana iki gikombe muri 2021 akaba ari ni inshuro ya mbere mu mateka yayo yariryegukanye. Senegal iri mu irsinda rya C mu gikombe cy’Afurika aho irikumwe na Cameroon, Guinea na Gambia. Senegal iza ku mwanya wa 20 ku isi ku rutonde ngarukakwezi rwa FIFA, ikaba iya 2 muri Afurika.
2. Côte d’Ivoire: 12.1%
Côte d’Ivoire ihabwa amahirwe nk’ikipe iri mu rugo kandi yabashije kwegukana iki gikombe inshuro 2 mu mateka yayo, ni mu 1992 na 2015. Côte d’Ivoire iri mu itsinda rya mbere aho iri kumwe na Nigeria, Equatorial Guinea na Guinea-Bissau. Côte d’Ivoire iza ku mwanya wa 49 ku isi ku rutondengarukakwezi rwa FIFA, ikaba iya 8 muri Afurika.
3. Morocco: 11.1%
Morocco iheruka gutwara igikombe cy’Afurika mu 1976 ndetse ni nacyo igira cyonyine mu mateka yayo. Morocco iri mu itsinda rya nyuma (F) aho iri kumwe na DR Congo, Zambia na Tanzania. Maroc iza ku mwanya wa 13 ku rutondengarukakwezi rwa FIFA, ikaba ari iya mbere muri Afurika.
4. Algeria: 9.7%
Algeria imaze gutwaraho iki gikombe inshuro 2. Igikombe cya mbere yagitwaye mu 1990 naho igikombe iheruka ni icya 2019. Algeria iri mu itsinda rya 4 (D) aho iri kumwe na Burkina Faso, Mauritania na Angola.
5. Misiri: 8.5%
Misiri niyo kipe yatwaye iki gikombe inshuro nyinshi mu mateka kuko yagitwaye inshuro 7 (1957, 1959, 1986, 1998, 2006, 2008, 2010). Mu gikombe cy’Afurika, Misiri iri mu itsinda rya kabiri aho iri kumwe na Ghana, Cape Verde na Mozambique. Misiri iri ku mwanya wa 33 ku isi ku rutondengarukakwezi rwa FIFA, ikaba iya 5 muri Afurika.
6. Nigeria: 8.0%
Nigeria yabashije gutwara iki gikombe ubugira 3 (1980, 1994, 2013). Nigeria iri mu itsinda rya mbere aho iri kumwe na Côte d’Ivoire, Equatorial Guinea na Guinea-Bissau. Nigeria iri ku mwanya wa 42 ku isi ku rutondengarukakwezi rwa FIFA, ikaba iya 6 muri Afurika.
7. Cameroon: 7.4%
Cameroon niyo kipe ya kabiri yabashije kwegukana igikombe cy’Afurika inshuro nyinshi kuko yagitwaye inshuro 5 (1984, 1988, 2000, 2002, 2017). Cameroon iri mu itsinda rya gatatu aho iri kumwe na Senegal, Guinea na Gambia). Cameroon iza ku mwanya wa 46 ku isi ku rutondengarukakwezi rwa FIFA, ikaba 7 muri Afurika.
8. Tunisia: 6.3%
Tunisia iheruka gutwara iki gikombe muri 2004 akaba ari nacyo gikombe rukumbi igira mu mateka yayo. Tunisia iri mu itsinda rya gatanu aho iri kumwe na Mali, Afurika Y’Epfo na Namibia. Tunisia iza ku mwanya wa 28 ku rutondengarukakwezi rwa FIFA, ikaba iya 3 muri Afurika.
9. Ghana: 5.3%
Ghana niyo kipe ya 3 yabashije gutwara igikombe cy’Afurika inshuro nyinshi kuko yagitwaye inshuro 4 (1963, 1965, 1978, 1982). Ghana iri mu itsinda kabiri aho iri kumwe na Misiri, Cape Verde na Mozambique. Ghana iza ku mwanya wa 61 ku isi ku rutondengarukakwezi rwa FIFA, ikaba iya 11 muri Afurika.
10. Mali: 3.7%
Mali ntirabasha kwegukana iki gikombe na rimwe mu mateka yayo, yabashije kugera ku mukino wa nyuma inshuro imwe mu 1972. Mali iri mu itsinda rya gatanu aho iri kumwe na Tunisia, Afurika Y’Epfo na Namibia. Mali iza ku mwanya wa 51 ku isi ku rutondengarukakwezi rwa FIFA, ikaya iya 9 muri Afurika.
Igikombe cy’Afurika cya 2024 kizatangira tariki 13 Mutarama naho umukino wa nyuma ukazaba tariki 11 Gashyantare 2024.
