Umutaliyani usanzwe utoza ikipe ya Real Madrid yarari kurangiza amasezerano ye muri iyi kipe ndetse byitezwe ko agomba guhita yerekeza muri Brazil gutoza ikipe y’igihugu. Izi nzozi za Brazil ariko zashyizweho akadomo nyuma y’uko uyu mutoza yongereye amasezerano muri Real Madrid azamugeza muri 2026.

Mu Ugushyingo 2023 nibwo uwahoze uyobora ishyirahamwe ry’umupira w’amaguru muri Brazil Ednaldo Rodrigues yari yatangaje ko ibiganiro bigeze kure n’umutoza Ancelotti ndetse ko ashobora kuza gutoza ikipe y’igihugu ya Brazil.

Mu mpera z’umwaka wa 2022 umutoza Ancelotti w’imyaka 64 y’amavuko yatangaje ko yifuza kuguma muri La Liga gusa ikibazo kikaba ko ikipe ya Real Madrid itariri kumwongerera amasezerano kandi yarasigaje igihe gito.

Anceloti ari muri Real Madrid kuva muri 2021 gusa n’ubundi akaba yaranayinyuzemo muri 2013-2015. Mu myaka 5 muri rusange amaze muri Real Madrid, Ancelotti yatwayemo ibikombe 10 birimo ibikombe 2 bya UEFA Champions League, igikombe 1 cya shampiyona ya Espagne La Liga n’ibikombe 2 bya Copa del Rey.