Mu ijoro ryo kuri uyu wa kabiri hakinwaga imikino y’ijonjora rya kabiri rya UEFA Champions League mu bari n’abategarugori, ikipe ya Manchester United mu bari n’abategarugori yari yakiriye ikipe ya Paris Saint Germain y’abari n’abategarugori mu mukino ubanza warangiye amakipe yombi anganyije igitego 1-1. Ni umukino warebwe n’umuzamu David De Gea.
Paris Saint Germain niyo yabanje kubona igitego ku munota wa 53 gitsinzwe na Tabitha Chawinga ukomoka muri Mali, Manchester United yaje kubona igitego cyo kwishyura ku munota wa 70 gitsinzwe n’umufaransa Melvine Malard ndetse umukino urangira ari igitego 1-1. Umukino wo kwishyura ukaba utegerejwe tariki 18 Ukwakira 2023 kuri Parc des Princes mu Bufaransa.
Ubwo uyu mukino wabaga, uwahoza ari umuzamu wa Manchester United mu bagabo David de Gea yari yaje gushyigikira ikipe ya Manchester United y’abari n’abategarugori kuri Leigh Sports Village aho isanzwe yakirira imikino yayo.
David de Gea w’imyaka 32 y’amavuko ni umuzamu wamaze imyaka 12 mu ikipe ya Manchester United aho yayigezemo muri 2011 aza kuyivamo mu mpeshyi ya 2023 nyuma yo kurekurwa ku buntu ndetse ubu ntakipe afite. De Gea ni ubwambere yaragarutse i Manchester nyuma yo kuva muri Manchester United.
Mu yindi mikino yabaga ku mugoroba mu ijonjora rya kabiri rya UEFA Women Champions League;
Eintracht Frankfurt Women 5-0 Sparta Prague Women
Paris FC Women 3-3 Wolfsburg Women
Valur Women 0-4 SKN St. Poelten Women
Imikino y’ijonjora rya kabiri rya UEFA Women Champions League iraza gukomeza kuri uyu wa gatatu.
