Kuri uyu wa gatatu tariki 11 Ukwakira 2023 harakinwa umunsi wa 6 wa shampiyona y’u Rwanda Primus National League, ikipe ya Rayon Sports iherutse gutandukana n’umutoza wayo Yamen Zelfani iraza kwakira ikipe ye Etoile de l’Est kuri Kigali Pele Stadium.

Rayon Sports yatangaje ko ibiciro byo kwinjira kuri uyu mukino biri mu byiciro 4; ni 3,000 RWF ahasanzwe, 5,000 RWF ahatwikiriye, 10,000 RWF muri VIP na 20,000 RWF muri VVIP.

Etoile de l’Est igiye kwakirwa n’ikipe ya Rayon Sports iri ku mwanya wa 10 n’amanota 6 mu mikino 5 imaze gukina, ifite umwenda w’igitego kimwe naho ikipe ya Rayon Sports iri ku mwanya wa 7 n’amanota 6, yizigamye igitego 1 mu mikino 4 kuko ifite ikirarane cy’umunsi wa 5 wa shampiyona kitakinwe kuko yari mu mikino nyafurika ya CAF Confederations Cup.

Umukino utegerejwe kuri uyu wa gatatu kuri Kigali Pele Stadium saa 18:00.

Imikino y’umunsi wa 6 iratangira kuri uyu wa kabiri, izabone gukomeza kuri uyu wa gatatu.