Kuri uyu wa kabiri no kuri uyu wa gatatu nibwo hakinwaga umunsi wa mbere wo mu matsinda w’irushanwa ry’amakipe yabaye ayambere iwayo ku mugabane w’iburayi UEFA Champions League. Amakipe 32 yose yitabiriye iri rushanwa akaba yaramaze gukina umukino wa mbere.
Uko imikino yarangiye uhereye ku munsi wo ku wa kabiri
ITSINDA E
Feyernoord 2-0 Celtic
Lazio 1-1 Atletico Madrid
ITSINDA F
AC Milan 0-0 Newcastle United
Paris Saint Germain 2-0 Borussia Dortmund
ITSINDA G
Young Boys 1-3 RB Leipzig
Manchester City 3-1 FK Crvena Zvezda
ITSINDA H
FC Barcelona 5-0 Royal Antwerp
Shakhtar Donetsk 1-3 FC Porto
Imikino yakomeje kuri uyu wa gatatu
ITSINDA A
Galatasaray 2-2 Copenhagen
Bayern Munich 4-3 Manchester United
ITSINDA B
Arsenal 4-0 PSV Eindhoven
Sevilla 1-1 Lens
ITSINDA C
Real Madrid 1-0 Union Berlin
SC Braga 1-2 Napoli
ITSINDA D
Benfica 0-1 FC Salzburg
Real Sociedad 1-1 Inter Milan
Muri rusange kuri uyu munsi wa mbere habonetsemo ibitego 48 mu mikino 16 bivuze ko byibuze muri buri mukino habonetsemo ibitego 3.
Umukino umwe wonyine niwo warangiye amakipe yombi atabashije kwinjizanya, ni umukino wo mu itsinda F wahuzaga AC Milan yo mu Butaliyani na Newcastle United yo mu Bwongereza. Uretse aya makipe, ikipe ya Celtic, Borussia Dortmund, Royal Antwerp, PSV Eindhoven, Union Berlin na Benfica nizo zitashije kugira igitego zinjiza mu izamu ry’uwo bari bahanganye.
Jude Bellingham ukinira Real Madrid, João Félix ukinira FC Barcelona, Galeno ukinira FC Porto na Martin Ødegaard ukinira Arsenal nibo bakinnyi 4 bagomba gutoranywamo uwahize abandi mu kwitwara neza muri uyu munsi wa mbere wa UEFA Champions League.
Igitego cy’umuzamu wa Lazio Ivan Provedel cyo ku munota wa nyuma, igitego cya Joăo Felix ukinira FC Barcelona, igitego cya Tetê ukinira Galatasaray n’igitego cya Angelo Fulgini ukinira Lens yo mu Bufaransa nibyo bitego 4 byahize ibindi bigomba gutoranywamo ikiza kurusha ibindi.
Umunsi wa kabiri wa UEFA Champions League 2023/24 ukaba uzakinwa tariki 3-4 Ukwakira 2023, amakipe yari yakiriwe akaba noneho ariyo azakira.
