Muri shampiyona y’igihugu y’Ubwongereza Premier League habamo ihangana rikomeye gusa umukino wa Manchester United n’Arsenal byumwihariko hano mu Rwanda uba utegerejwe na benshi.
Uyu mukino wagarutse, kuri iki cyumweru ikipe y’Arsenal iraza kuba yakira ikipe ya Manchester United kuri stade ya Emirates stadium mu majyaruguru ya Londres mu Bwongereza.
Imibare ivuga iki kuri uyu mukino uhuza Arsenal na Manchester United?
- Arsenal na Manchester United zimaze guhura inshuro 239, Manchester United yatsinze inshuro 99, Arsenal itsinda inshuro 87, banganya imikino 53.
- Muri Premier League aya makipe yahuye inshuro 208, Arsenal yatsinze imikino 74, Manchester United itsinda ibitego 85 banganya imikino 49, Arsenal yatsinze ibitego 291 anho Manchester United itsinda ibitego 314.
- Wayne Rooney wakiniraga Manchester United niwe watsinze ibitego byinshi muri uyu mukino, aho yatsinze ibitego 12.
- Ryan Giggs wakiniraga Manchester United niwe wakinnye uyu mukino inshuro nyinshi, yakinnye imikino 50.
- Abakinnyi barimo David Herd, Ian Ure, George Graham, Frank Stapleton, Viv Anderson, Andy Cole, Robin Van Persie na Alexis Sanchez nibo bakinnyi bakiniye ikipe y’Arsenal nyuma bakerekeza muri Manchester United naho abakinnyi barimo Paddy Sloan, Jimmy Rimmer, Brian Kidd, Jim Leighton, David Platt, Mikael Silvestre, Danny Welbeck na Henrikh Mkhitaryan nibo bakinnyi bakiniye ikipe ya Manchester United nyuma berekeza muri Arsenal.
- Arsenal ibaye itsinze uyu mukino ni ubwambere yaba itsinze imikino 3 yikurikiranya kuri Emirates Stadium ubwo yahuraga na Manchester Untied, iheruka kubikora hagati 1988 – 1991.
- Mu mikino 10 iheruka guhuza Arsenal na Manchester United, Arsenal yatsinze imikino 5, banganya imikino 2 naho Manchester United itsinda imikino 3.
Izi kipe zombi zigiye guhura ku munsi wa 4 wa shampiyona, Arsenal iri ku mwanya wa 4 n’amanota 7 naho Manchester United iri ku mwanya wa 8 n’amanota 6.
Umutoza w’Arsenal Mikel Arteta azakina uyu mukino adafite Jurrien Timber, Nicolas Pepe na Mohamed Elneny kubera ibibazo by’imvune naho Eddie Nketiah arashidikanywaho kuba yakina uyu mukino. Oleksandre Zinchenko na Gabriel Jesus bazaba bagarutse ndetse bashobora no kubanzamo.
Umutoza wa Manchester United Erik Ten hag we agomba gukina uyu mukino adafite abarimo Mason Mount, Rapfael Varane, Tyrell Malacia, Luke Shaw, Tom Heaton, Amad Diallo na Kobbie Mainoo kubera ibibazo by’imvune. Abarimo Rasmus Hojlund bazaba bagarutse, Sergio Reguilon iyi kipe iherutse gutira muri Tottehnam Hotspur, Ten Hag yavuze ko agomba kugaragara kuri uyu mukino.
Uyu mukino utegerejwe kuri iki cyumweru kuri stade y’Arsenal Emirates Stadium yakira abagera ku 60,000 i saa 17:30 z’umugoroba za hano mu Rwanda. Ni umukino uzasifurwa n’umusifuzi w’umwongereza Anthony Taylor.
Umunsi wa 4 wa Premiel League watangiye kuri uyu wa gatanu Luton Town itsindwa na West Ham United 2-1. Kuri uyu wa gatandatu Sheffield United irakina na Everton, Brentford yakire AFC Bournemouth, Burnley yakire Tottehnam Hotspur, Chelsea yakire Nottingham Forest saa 16:00, Manchester City yakire Fulham naho Brighton & Hove Albion saa 18:30 yakire Newscastle United.
Imikino izakomeza kuri iki cyumweru, Crystal Palace yakira Wolverhampton Wanderers, Liverpool yakira Aston Villa saa 15:00 naho Arsenal yakire Manchester United saa 17:30.
