Kuri uyu wa gatanu i Monaco mu Bufaransa habereye tombola y’amatsinda ya UEFA Europa League ari nako hahise haba tombola y’amatsinda ya UEFA Europa Conference League.
Habanje kuba tombola ya UEFA Champions League nk’irushanwa rikuru rihuza amakipe yabaye aya mbere iwayo ku mugabane w’iburayi ritegurwa n’ishyirahamwe ry’umupira w’amaguru ku mugabane w’Iburayi UEFA. UEFA kandi itegura irushanwa rya Europa League rihuza amakipe yabaye aya kabiri iwayo. Muri 2021 nibwo havutse irushanwa rishya rya UEFA Europa Conference League.
Conference League ni irushanwa ritegurwa na UEFA, ryitabirwa n’amakipe 32 ashyirwa mu matsinda 8, buri tsinda ririmo amakipe 4. Irushanwa riheruka ryegukanywe na West Ham United yo mu Bwongereza. Ikipe itwaye iri rushanwa ihita ibona itike iyijyana muri UEFA Europa League mu mwaka ukurikiyeho w’imikino.
Uko tombola y’amatsinda ya UEFA Europa Conference League 2023/24 yagenze:
ITSINDA A: Klaksvikar Itrottarfelag (Ibirwa bya Faroe), LOSC Rennes (Ubufaransa), Olimpija Ljubljana (Slovenia) na Slovan Bratislava (Slovakia)
ITSINDA B: Breiqablik FC (Iceland), Gent (Ububiligi), Maccabi Tel Aviv (Israel) na Zorya Luhansk (Ukraine)
ITSINDA C: Astana (Kazakhstan), Ballkani (Kosovo), Dinamo Zagreb (Croatia) na Viktoria Plzen (Czech Republick)
ITSINDA D: Beskitas (Turkey), Bodo/Glimt (Norway), Club Brugge (Ububiligi) na Lugano (Ubusuwisi)
ITSINDA E: Az Alkmaar (Ubuholandi), Aston Villa (Ubwongereza), Legia Warszawa (Pologne) na HSK Zrinjski Mostar (Bosnia & Herzegovina)
ITSINDA F: Cukaricki (Serbia), Ferencvaros (Hungary), Fiorentina (Ubutaliyani) na Genk (Ububiligi)
ITSINDA G: Aberdeen (Scotland), Eintracht Frankfurt (Ubudage), HJK Helsinki (Finland) na PAOK FC (Ubugereki)
ITSINDA H: Fenerbache (Turkey), Ludogorets (Bulgaria), Nordsjaelland (Denmark) na Spartak Trnava (Slovakia)
Buri kipe mu itsinda ikina imikino 2 n’undi, ni umukino ubanza n’uwo kwishyura. Imikino y’amatsinda ikaba izakinwa kuri aya matariki:
- UMUNSI WA 1: 21 Nzeri 2023
- UMUNSI WA 2: 5 Ukwakira 2023
- UMUNSI WA 3: 26 Ukwakira 2023
- UMUNSI WA 4: 9 Ugushyingo 2023
- UMUNSI WA 5: 30 Ugushyingo 2023
- UMUNSI WA 6: 14 Ukuboza 2023
Umukino wa nyuma wa UEFA Europa Conference League 2023/24 ukaba utegerejwe ku wa 29 Gicurasi 2024, ukazabera kuri Agia Sofia Stadium ni mu mugi wa Athens mu Bugereki.
