Kuri uyu wa kane tariki ya 31 Kanama 2023 abakunzi b’umupira w’amaguru wo ku mugabane w’iburayi bari bategereje uko tombola y’amatsinda y’irushanwa ry’amakipe ya mbere iwayo ku mugabane w’iburayi UEFA Champions League igenda.
Ni ibirori byabaye i saa 18:00 z’umugoroba, bibera i Monaco mu Bufaransa. Amakipe 32 yagombaga gushyirwa mu matsinda 8, buri tsinda ririmo amakipe 4.
Mu itsinda rimwe, buri makipe agomba guhura inshuro 2, ni mukino ubanza n’uwo kwishyura. Kimwe mu bindi bigenderwaho hakorwa amatsinda ni uko nta kipe zituruka mu gihugu kimwe zishobora kujya mu itsinda rimwe.
Nyuma y’imikino y’amatsinda amakipe abiri ya mbere ajya mu kiciro gikurikiyeho mu gihe ikipe ya gatatu ihita ijya muri UEFA Europa League gukina imikino ya kamarampaka n’amakipe yabaye aya kabiri mu matsinda ya UEFA Europa League.
Amatsinda ya UEFA Champions League 2023/24 byarangiye ahagaze muri ubu buryo:
ITSINDA A: Bayern Munich (Ubudage), Manchester United (Ubwongereza), Copenhagen (Denmark) na Galatasaray (Turkey)
ITSINDA B: FC Sevilla (Espagne), Arsenal (Ubwongereza), PSV Eindhoven (Ubuholandi) na RC Lens (Ubufaransa)
ITSINDA C: Napoli (Ubutaliyani), Real Madrid (Espagne), Braga (Portugal) na Union Berlin (Ubudage)
ITSINDA D: Benfica (Portugal), Inter Milan (Ubutaliyani), RB Salzburg (Austria) na Real Sociedad (Espagne)
ITSINDA E: Feyenoord (Ubuholandi), Atlético Madrid (Espagne), Lazio Roma (Ubutaliyani) na Celtic (Scotland)
ITSINDA F: PSG (Ubufaransa), Borussia Dortmund (Ubudage), AC Milan (AC Milan), Newcastle United (Ubwongereza)
ITSINDA G: Manchester City (Ubwongereza), RB Leipzig (Ubudage), Crvena Zvezda (Croatia) na Young Boys (Ubusuwisi)
ITSINDA H: FC Barcelona (Espagne), FC Porto (Portugal), Shakhtar Donetsk (Ukraine) na Antwerp (Ububiligi)
Nyuma yo kubona aya matsinda, itsinda rya A n’itsinda rya F niyo yiswe amatsinda y’urupfu bitewe n’uko bitoroshye kuraguza umutwe ngo uvuge amakipe uko azakurikirana mu itsinda.
Imikino yo mu matsinda iterejwe gukinwa muri ubu buryo bukurikira:
- Umunsi wa 1: 19-20 Nzeri 2023
- Umunsi wa 2: 3-4 Ukwakira 2023
- Umunsi wa 3: 24-25 Ukwakira 2023
- Umunsi wa 4: 7-8 Ugushyingo 2023
- Umunsi wa 5: 28-29 Ugushyingo 2023
- Umunsi wa 6: 12-13 Ukuboza 2023
Umukino wa nyuma wa UEFA Champions ukazaba tariki ya 1 Kamena 2024, ukazakinirwa mu murwa mukuru w’ubwami bw’Ubwongereza London muri stade ya Wembley.
