Kuri uyu wa gatanu mu ijoro nibwo ikipe ya Real Madrid yakinaga umukino wayo wa gatatu muri shampiyona y’ikiciro cya mbere mu mupira w’amaguru muri Espagne La Liga Santander. Ni umukino ikipe ya Real Madrid yakiriwemo n’ikipe ya Celta Vigo kuri Abanca Balaidos, uyu mukino warangiye ikipe ya Real Madrid ibifashijwemo na Jude Bellingham ibonye insinzi y’igitego 1-0.
N’ubwo abafana ba Real Madrid bishimiye insinzi, gusa impungenge ni zose kuko rutahizamu wayo unyura ku ruhande ukomoka muri Brazil Vinícius José Paixão de Oliveira Júnior yasohotse mu kibuga ku munota wa 18 nyuma y’uko yaragize ikibazo k’imvune.
Nyuma y’umukino, umutoza wa Real Madrid ntiyatangaje byinshi ku mvune y’uyu musore Vinícius Jr gusa yavuze ko nawe imuteye impungenge, nyamara yahamije ijambo aherutse kuvuga ko ntawundi mukinnyi Real Madrid iteganya kugura muri iri soko ry’igura n’irusha ry’abakinnyi.
Kuva mu mwaka w’imikino wa 2021/2022 uretse Karim Benzema wagize uruhare runini mu bitego bya Real Madrid kuko yatsinze ibitego 46, atanga imipira yavuyemo ibitego 15, ntawundi mukinnyi urusha Vinícius Jr uruhare rw’ibitego kuko yatsinze ibitego 28, atanga imipira yavuyemo ibitego 19.
Imvune ya Vinícius Jr muri Real Madrid ije isanga iya Eder Militao uzamara amezi 4 hanze y’ikibuga, Arda Guller uzagaruka mu Ukwakira, Thibaut Courtois uzamara amezi ari hejuru ya 6 hanze y’ikibuga na Ferland Mendy na Dani Ceballos bashobora kugaruka vuba bidatinze.
