Rutahizamu wamaze kumvikana n’ikipe ya Rayon Sports ya hano mu Rwanda, ukubutse muri Sudan mu ikipe ya Al Hilal Club w’imyaka 23 y’amavuko Eid Mugadam Abakar Mugadam yamaze kugera ku kibuga k’indenge mpuzamahanga cya Kanombe i Kigali mu Rwanda.
Eid Mugadam yahagurutse muri Sudan mu masaha y’igitondo cyo kuri uyu wa mbere tariki ya 14 Kanama 2023, akaba yageze i Kigali mu rukerera rwo kuri uyu wa kabiri mu ma saa 01:00 z’ijoro. Akigera mu Rwanda Mugadam yakiriwe na perezida w’abafana ba Rayon Sports MUHAWENIMANA Claude.
Eid Mugadam ukina asatira izamu ariko aca ku ruhande(winger) akaba aje gufasha Rayon Sports mu buryo bw’ubusatirizi cyane ko uretse shampiyona izatangira kuri uyu wa gatanu tariki 18 Kanama 2023, ikipe ya Rayon Sports izanahagararira u Rwanda mu mikino nyafurika ya CAF Confederations Cup ni nyuma yo kubasha kwegukana igikombe cy’Amahoro.
