Ikipe ya FC Barcelona yo muri Espagne ni ikipe y’ubukombe gusa yakomeje kugorwa n’ibibazo by’amikoro muri iyi myaka ishize, ibi byatumye irangwa no kugura abakinnyi b’ubuntu gusa. Kuri ubu rutahizamu uri mu bayiteye ubukene waje avuye mu ikipe ya Borussia Dortmund, ni umufaransa Ousmane Dembele uyu yamaze kumvikana n’ikipe y’iwabo ya Paris Saint Germain ko agomba kuyerekezamo. Ibi byatumye ikipe ya FC Barcelona isubira ku isoko gushaka umusimbura wa Dembele.
Kuri ubu rero ikipe ya FC Barcelona yerekeje amaso mu gihugu cy’ubufaransa ku mukinnyi wanayinyuzemo ukomoka muri Chile ubu ukinira ikipe ya Olympique de Marseille, uwo ni Alexis Alejandro Sanchez Sanchez. Umutoza wa FC Barcelona arabona Sanchez nk’umukinnyi mwiza w’umusimbura wa Dembele cyane ko banakinanye muri iyi kipe ya FC Barcelona. Si uyu gusa ariko Barcelona ihanzeho amaso kuko yiteguye kuba yanagura umudage Leroy Sane w’ikipe ya Bayern Munich kuko uyu nawe ikipe ya Bayern Munich yavuze ko yiteguye kumurekura kuri miliyoni €50, ikipe ya FC Barcelona rero nawe iramubona nk’umusimbura mwiza wa Dembele.
