Umusore ukomoka muri Portugal w’imyaka 29 usanzwe ukinira ikipe ya Manchester City João Cancelo yaba yamaze kumvikana n’ikipe ya FC Barcelona yo muri Espagne. Mu mwaka ushize w’imikino nibwo Cancelo usanzwe ukina ku ruhande yugarira byavuzwe ko yashyamiranye n’umutoza wa Manchester City ukomoka muri Espagne Pep Guadiola ndetse ntibyatinze kuko uyu musore yahise atizwa mu ikipe ya Bayern Munich yo mu Budage.
Ikipe ya Bayern Muninch nayo rero ntiyagaragaje ubushake bwo kugura uyu mukinnyi nyuma y’uko Manchester City igaragaje ko yiteguye kumurekura. Cancelo rero wifujwe n’amakipe atandukanye arimo n’Arsenal yo mu Bwongereza ngo kuri ubu akaba yamaze kumvikana n’ikipe ya FC Barcelona yo muri Espagne ngo ayerekezemo. Cancelo yakiniye amakipe ariko Benfica, Valencia, Inter Milan, Juventus, Bayern Munich na Manchester City yarimo kuri ubu.
