Ni igikombe nyafurika mu mukino wa basketball mu bari n’abategarugori FIBA Women’s Afrobasketball 2023 kiri kubera mu Rwanda muri BK Arena. Ni imikino yatangiye gukinwa tariki ya 28 Nyakanga ikazarangira tariki ya 8 Kanama 2023. Ikipe y’igihugu y’u Rwanda yisanze mu itsinda rya mbere A aho rwari kumwe na Cote d’Ivoire ndetse n’ikipe y’igihugu y’Angola. Muri iri tsinda u Rwanda rwabashije kwitwara neza maze rurangiza ari u rwa mbere nyuma yo gutsinda Cote d’Ivoire rugatsindwa n’Angola byaruhesheje itike ya 1/4 k’irangiza.
Muri 1/4 u Rwanda rwagombaga gukina n’ikipe izava mu mikino ya kamarampaka hagati y’ikipe ya DR Congo na Uganda, Uganda iza kwitwara neza ikuramo DR Congo ku manota 78-62. Ku munsi wo ku wa gatatu nibwo hakinwe imikino ya 1/4 maze u Rwanda rubyitwaramo neza cyane rubasha gukuruma Uganda ku manota 66-61 maze rubona itike ya 1/2 k’irangiza, ni umukino wari wanitabiriwe na Nyakubuhwa Perezida wa Repubulika y’u Rwanda Paul KAGAME. Muri uyu mukino umunywarwanda INEZA Sifa ni we witwaye neza ku ruhande rw’u Rwanda kuko yatsinze amanota 19, akora rebounds 5, atanga imipira yavuyemo amanota 5. Umuhanzi Juno KIZIGENZA niwe wasusurukije abitabiriye uyu mukino. Mu yindi mikino ya 1/4 yakinwaga Nigeria yakuyemo Mozambique, Cameroon ikurwamo na Senegal naho Mali ikuramo Guinea.
Imikino irakomeza kuri uyu munsi Cameroon ihura na Guinea mu gihe Uganda irahura na Mozambique bahatanira imyaka 5-8, naho imikino ya 1/2 yo iraza gutangira saa 18:00 u Rwanda rukina na Nigeria mu gihe Senegal iraba ikina na Mali. N’ubundi imikino yose irabera muri BK Arena aho kwinjira ari 1,000 RWF ku banyeshuri, 4,000 RWF, 8,000 RWF, 10,000 RWF N’ 15,000 RWF. Kugura itike uca kuri WWW.TICQET.RW.
