Impuzamashyirahamwe y’umupira w’amaguru mu Afurika CAF yatangaje ko ikipe yo mu gihugu cya Kenya Gor-Mahia yakuwe mumikino nyafurika kubera ibirego byayigejejweho by’imyenda ibereyemo abahoze Ari abakinnyi bayo.
Iyi kipe yegukanye Igikombe cya Shampiyona ku nshuro ya 20 byayiheshaga itike yo kuzahagararira iki gihugu mu mikino ya CAF Champions League.
Nubwo bimeze bityo, CAF yatangaje urutonde rw’amakipe 54 azitabira iyi mikino rutagaragaraho Gor Mahia.
Iyi kipe irazira ko itishyuriye ku gihe rutahizamu w’Umunye-Congo Sando Yangay miliyoni 18 Frw, Umurundi Jules Ulimwengu miliyoni 9Frw n’Umunya-Mali Adama Keita yari ibereyemo miliyoni 35 Frw.
Umunyamabanga Mukuru w’iyi kipe, Sam Ochola yabwiye ikinyamakuru Nation ko umwenda wishyuwe ariko igihe cyarenze bityo akaba ariyo mpamvu yangiwe kwitabira iyi mikino
