Amakuru menshi yerekezaga Pierre-Emerick Aubameyang ukomoka muri Gabon muri Saudi Arabia nyuma y’uko ikipe ya Chelsea imubwiye ko itamufite muri gahunda zayo, gusa ibi byaje kutaba kuko Aubameyang yamaze kumvikana n’ikipe ya Olympique de Marseille yo mu Bufaransa kuba yayerekezamo.
Si ubwa mbere Aubameyang akina muri iyi shampiyona yo mu Bufaransa Ligue 1 kuko ari naho yakuriye cyane ko ari naho yavukiye, yakinnye mu makipe yaho arimo Dijon, Lille, AS Monaco na Saint Étienne ari nayo yamenyekanyemo. Ku munsi wo ku wa kane biteganyijwe ko Aubameyang w’imyaka 34 azakora isuzuma ry’ubuzima ndetsr agasinya amasezerano y’imyaka 3 azamugeza muri 2026 akinira iyi kipe ya Olympique de Marseille nka rutahizamu.
