Ni myugariro w’ibumoso ukomoka muri Brazil w’imyaka 30 y’amavuko Alex Telles. Uyu musore yinjiye mu ikipe ya Manchester United 2020 avuye muri FC Porto gusa aza kugorwa no kubona umwanya muri iyi kipe ku buryo yarinze gutizwa mu ikipe ya Sevilla muri Espagne mu mwaka ushize w’imikino. Kuva aho umutoza Erik Ten Hag yaziye ntiyakoresheje uyu musore ndetse yanizaniye umusimbura wa Luke Shaw usanzwe ubanzamo ariwe Tyrell Malacia, ibi byashyize iherezo ku kazoza ka Telles muri Manchester United.
Alex Telles ku ijanisha rinini rero akaba yamaze gusanga Cristiano Ronaldo mu ikipe y’Al-Nassr. Akaba yaguzwe miliyoni ÂŁ4 ndetse akazajya ahabwa miliyoni ÂŁ7 ku mwaka muri iyi kipe y’Al-Nassr. Alex Telles arerekanwa nk’umukinnyi mushya w’Al-Nassr mu minsi iri imbere, aho araba asanze Cristiano Ronaldo bakinanye muri Manchester United. Telles akaba yiyongereye ku mubare munini w’abakinnyi bari kuva iburayi berekeza muri Saudi Arabia.
