Saint-Maximin ni rutahizamu uca ku ruhande ukinira ikipe ya Newcastle United yo mu Bwongereza yagezemo muri 2019 avuye muri Nice yo mu Bufaransa. Uyu musore w’imyaka 26 ni umufaransa ariko ufite inkomoko muri Guadeloupe no muri Guinea. Saint-Maximin kuri ubu ntarikumwe na bagenzi be mu ikipe ya Newcastle United, impamvu ni uko hari amakuru avuga ko uyu musore ashobora gusohoka muri Newcastle United muri iri soko ry’igura n’igurisha ryo muri iyi mpeshyi.
Amakipe avugwa ko yifuza Saint-Maximin by’umwihariko ni ayo muri Saudi Arabia ndetse benshi barashimangira ko uyu musore ashobora kugenda babishingiye no kuba ikipe ya Newcastle United iri mu biganiro bikomeye n’ikipe ya Leicester City yamanutse mu kiciro cya kabiri kuri rutahizamu nawe uca ku ruhande Harvey Barnes. Ku ruhande rw’umutoza wa Newcastle United umwongereza Eddie Howe we avuga ko yifuza kugumana Alain Saint-Maximin ndetse ko ari umukinnyi mwiza nk’uko akunda kubigarukaho, akomeza avuga ko ariko byashoboka ko uyu musore yagurishwa kugira ngo ikipe itagwa mu bihano by’ubukungu (Financial Fair Play).
