Kim-Min Jae ni myugariro w’imyaka 26 wakiniraga ikipe ya Napoli yaramazemo umwaka umwe aho yageze avuye muri Fenerbache, kuri ubu akaba yamaze kuba umukinnyi wa Bayern Munich yo mu Budage. Kim yagiranye umwaka mwiza n’ikipe ya Napoli kuko batwaranye igikombe cya Shampiyona y’igihugu y’abataliyani Serie yaherukaga mu myaka 33, anatorwa nka myugariro mwiza w’umwaka muri iyi shampiyona ndetse bagera 1/4 k’irangiza muri UEFA Champions League.
Myugariro Kim-Min Jae akaba yaguzwe n’ikipe ya Bayern Munich agera kuri miliyoni £43, asinya amasezerano y’imyaka 5 azamugeza muri 2028. Mu magambo ye Kim yagize ati, “Bayern ni inzozi za buri mukinnyi. Iri ni itangiriro rishya kandi nzakomeza kuzamukira hano. Nashimishijwe cyane no kumva ikipe nk’iyi inyifuza.” Mu gukomeza kwiyubaka Bayern Munich ikomeje no kwifuza myugariro wo ku ruhande wa Manchester City umwongereza Kyle Walker.
