Kuri uyu munsi tariki ya 13 Nyakanga i Monastir muri Tunisia hakaba hatangiye irushanwa ry’igikombe cy’Afurika cy’ingimbi n’abangavu batarengeje imyaka 16 rya FIBA African Championship. Iyi mikino ikaba izasozwa tariki ya 23 Nyakanga 2023. Mu ngimbi hari amatsinda 2 aho buritsinda ririmo amakipe 5, u Rwanda rwisanze mu itsinda A ririmo Mali, Tunisia yakiriye irushanwa, Angola na CĂ´te d’Ivoire, ni mu gihe itsinda B ririmo Uganda, Egypt, Morocco, Guinea na Chad.
Uyu munsi rero u Rwanda rwatangiye urugendo ruhura n’ikipe ya Tunisia maze rubasha kuyitsinda amanota 78-59. Ingimbi z’u Rwanda zikazakina umukino wa kabiri ku munsi w’ejo tariki ya 14 Nyakanga zikina n’ingimbi za Mali nazo zatsinze umukino wa mbere zitsinda CĂ´te d’Ivoire, uyu mukino ukazakinwa saa 15:00 za nimugoroba.
Uko mu bahungu bakina ni nako mu bakobwa bimeze. Mu bangavu batarengeje imyaka 16 ho u Rwanda rwagiye ruhagarariye agace ka 5 (Zone 5) rwisanze mu itsinda B aho rurikumwe na Mali, Angola na Morocco, mu gihe mu itsinda A harimo Tunisia yakiriye irushanwa, Egypt, Guinea na Uganda. U Rwanda mu bangavu rukazakina umukino wa mbere ku munsi w’ejo tariki 14 Nyakanga rukina na Morocco saa 15:00 za nimugoroba.
