Ni umusore w’imyaka 24 ukina mu kibuga hagati cyangwa nka rutahizamu uca ku ruhande ukomoka muri Liberia witwa Mohammed Sangare uzwi nka Mo Sangare. Uyu musore nyuma yo kuva mu ikipe ya Accrington Stanley ikina mu kiciro cya kane mu Bwongereza, yerekeje mu ikipe ya Livingston yo mu kiciro cya mbere muri Scotland. Uyu musore wanakiniye ikipe ya Newcastle United, ikipe ye ya Livingston yarifite umukino wa gishuti wo gukina na Queens Park wo kuyifasha gutegura imikino ya shampiyona, ni umukino wabaye ku wa mbere.
Uyu mukino wagombaga kubera kuri stade ya Queen’s Park yitwa Queen’s Park’s Lesser Hampden, gusa uyu musore we yagiye kuri stade ya Tony Macaroni Arena aziko ariho umukino uri bubere. Umutoza wa Livingston bita David Martindale yavuze ko Sangare yari mu bakinnyi 11 bagombaga kubanza mu kibuga gusa kuko yageze ku kibuga atinze kuko yakererewe isaha n’igice byatumye adakina ndetse mu myitozo yo ku wa kabiri yakiniye mu ikipe ya kabiri.
Martindale yakomeje avuga ko atari umukinnyi wambere bibayeho kuko n’uwitwa Dylan Bahamboula byamubayeho gusa kuri iyi nshuro niwe wahamagaye Sangare amubaza aho ari.
