Ishyirahamwe ry’umupira w’amaguru mu Rwanda (FERWAFA) ryatangaje igihe igikombe kiruta ibindi mu Rwanda FERWAFA Super Cup kizahatanirwa.
FERWAFA Super Cup ni igikombe kiruta ibindi gihuza ikipe yegukanye igikombe cya shampiyona ndetse n’ikipe yegukanye igikombe cy’Amahoro.
Umwaka ushize w’imikino 2022-2023 ikipe ya Rayon Sport bakunze kwita Gikundiro yegukanye igikombe cy’Amahoro itsinze ikipe ya APR FC kumukino wanyuma 1-0 ni umukino wari wabereye kuri stade ya Huye.
Igikombe cya Shampiyona y’icyiciro cyambere mu Rwanda cyatwawe n’ikipe ya APR FC bakunze kwita Gitinyiro irusha amanota 2 gusa ikipe ya Kiyovu Sports yayikurikiraga.
Uyu mukino wo guhatanira FERWAFA Super Cup uzaba kuwa 12 Kanama 2023 kuri Pelé Stadium.
FERWAFA Super Cup iheruka yari yahuje ikipe ya As Kigali na APR FC n’umukino warangiye APR FC itsindiwe kuri penariti 5-3 ninyuma yuko umukino wari warangiye ari 0-0.
