Tariki ya 4 Nyakanga ni itariki y’amateka ku banyarwanda kuko nibwo Jenoside yakorewe abatutsi mu 1994 yahagaritswe. Kuri ubu mu rwego rwo kwizihiza uyu munsi hateguwe irushanwa ryo kwibohora mu mukino wa w’amaboko wa volleyball.
Iri rushanwa rya Liberation cup riteganyijwe kuba muri iyi weekend tariki ya 8-9 Nyakanga, rikazaba mu byiciro 2 harimo abagabo n’abari n’abategarugori, rikazaba riba ku nshuro yaryo yambere. Mu kiciro cy’abagabo hitabiriye amakipe 6 ndetse tombora y’amatsinda ikaba yararangiye mu itsinda A harimo Gisagara VC, Police VC na IPRC Ngoma naho itsinda B ririmo APR VC, REG VC na KVC. Mu kiciro cy’ abari n’abategarugori naho hitabiriye amakipe 6, tombora ikaba yararangiye itsinda A ririmo APR WVC, Ruhango WVC na IPRC Kigali naho itsinda B ririmo RRA WVC, Police WVC na IPR Huye.
Ishyirahamwe ry’umukino wa volleyball mu Rwanda FRVB rikaba ryavuze ko vuba bidatinze rirashyira hanze uko amakipe azakina, aho azakinira n’isaha y’imikino. Ikizwi neza ni uko n’ubundi imikino yanyuma izabera muri BK Arena nk’uko irushanwa riheruka ryo kwibuka Jenoside yakorewe abatutsi yo 1994 rizwi nka GMT (Genocide Memorial Tournament) ryegukanywe na Gisagara VC mu bagabo na Police WVC mu bari n’abategarugori byagenze.
