Ikipe ya Arsenal nyuma yo kugira umwaka wa Shampiyona mwiza wa 2022/23 ndetse yanatakaje igikombe mu mikino yanyuma, ntiyacitse intege yakomeje urugendo rwo kwiyubaka ngo irebe ko yakongera kwitwara neza.
Kuri ubu ikipe ya Arsenal yahereye ku nkingi za mwamba yubakiyeho harimo Gabriel Martinelli, Bukayo Saka, Aaron Ramsdale, Gabriel Magalhaes, Ben White na Martin Ødegaard bose ibongerera amasezerano y’igihe kirekire cyane ko bose bakiri bato. Kuri ubu uwarutahiwe ni Reis Nelson wongereye amasezerano azamugeza muri 2027 na myugariro w’umufaransa William Saliba wongereye kugeza muri 2027 ndetse ashobora kongeraho undi mwaka.
Si ukongerera abakinnyi amasezerano gusa kuko iri no kongeramo abandi, kuri ubu myugariro w’umuholandi Jurrien Timber uvuye muri Ajax Amsterdam byararangiye, Kai Havetz uvuye muri Chelsea nawe byararangiye ndetse utegerejwe na benshi ni umwongereza wo mu kibuga hagati Decline Rice biri ku ijanisha rinini ko nawe agomba kwinjira muri iyi kipe.
Arsenal n’umutoza wayo Mikel Arteta iratanga ikizere mu bakunzi bayo ugereranyije nambere.
