Steven Gerrard ni umutoza ariko wanamenyekanye nk’umukinnyi ubwo yakinaga mu ikipe ya Liverpool. Yatangiye umwuga w’ubutoza nk’uwabigize umwuga muri 2017, aho kugeza ubu amaze gutoza amakipe arimo Rangers ndetse na Aston Villa baherutse gutandukana. Kuri ubu rero Steven Gerrard w’imyaka 43 utarufite akazi akaba yamaze kugirwa umutoza mukuru w’ikipe yo mu barabu mu gihugu cya Saudi Arabia mu ikipe ya Al-Ettifaq.
Al-Ettifaq ni ikipe imaze imyaka 78 ikaba imaze gutwara ibikombe bya Shampiyona yo muri iki gihugu inshuro 2. Mu mwaka ushize w’imikino iyi kipe ikaba yarabaye iya 7 mu makipe 16, aho mu mikino 30 yatsinze imikino 10, inganya 7 itsindwa 13, muri rusange irangiza ifite amanota 37 n’umwenda w’ibitego 8.
Ku ikubitiro rero iyi kipe ikaba yavuze ko yifuza umusore wo mu kibuga hagati w’ikipe ya Liverpool akaba na captain wayo Jordan Henderson ndetse na rutahizamu ukomoka muri Gabon Pierre Emerick Aubameyang kugira ngo baze kuyifasha kuba yakwitwara neza.
