Thomas Partey ni umusore w’imyaka 30 ukomoka muri Ghana ukina mu kibuga hagati mu ikipe ya Arsenal, uyu musore yageze muri iyi kipe muri 2020 avuye mu ikipe ya Atlético Madrid yamuzamuye, aho yahise asinya amasezerano y’imyaka 4 ariko ashobora kongerwaho undi umwe.
Uyu musore usigaje amasezerano y’umwaka umwe muri Arsenal ubushobozi bwe mu kibuga hagati ntibushidikanywaho gusa akunze kugira imvune nyinshi ari nazo zidindiza umusaruro we. Ikipe ya Arsenal rero ikaba ivuga ko yiteguye kuba yarekura uyu musore mu gihe yahabwa amafaranga imwifuzamo. Ni mu gihe iyi kipe inakomeje urugendo rwo gushaka uko yasinyisha umukinnyi w’umwongereza ukina mu kibuga hagati mu ikipe ya West Ham United banabarizwa mu mugi umwe wa Londres akaba na captain wayo Decline Rice.
Amakipe arimo Juventus yo mu Butaliyani ndetse n’amakipe yo muri Saudi Pro League mu gihugu cy’Arabie Saudite (Saudi Arabia) ari muyifuza uyu musore wa Arsenal wo mu kibuga hagati Thomas Partey.
