Muri Leta ya Imo muri Nigeria bari guhigisha uruhindu umugabo wavunnye akaboko k’umwana we w’uruhinja rw’amezi abiri, amuziza ko yamubujije gusinzira.
BBC yavuze ko uwo mugabo amaze kuvuna ukuboko k’umwana, yahise afata umwana n’umugore abafungirana mu nzu, arahunga.
Umugore yaje kubasha gukingura asohokana umwana bamujyana kwa muganga, akaboko baragaca.
Dr Chiedozie Mbalewe wavuye uwo mwana, yavuze ko guca akaboko byari ugutabara ubuzima bw’umwana.
Umugabo ukekwaho gukora ayo mahano yahise atoroka, aracyashakishwa.
