Umuryango CECYDAR (Centre Cyprien Daphrose Rugamba) washinzwe na Rugamba Cyprien afatanije n’umugore we Daphrose, wahurije hamwe abafatanyabikorwa bawo mu kurebera hamwe inzitizi zibangamiye umuryango zituma abana bamwe bahitamo kujya kuba kuba ku muhanda.
Muri iyi nama ifite insanganyamatsiko igira iti “Umuryango utekanye, ishingiro mu kurandura ikibazo cy’abana bo mu muhanda”, Umuyobozi w’Ikigo cy’Igihugu gishinzwe imikurire no kurengera umwana mu Rwanda (NCDA), Nadine Umutoni yagaragaje ko iki kibazo gikwiye guhangayikisha Abanyarwanda bose.
